بافڵ جەلال تاڵەبانی، سەرۆكی یەكێتیی نیشتمانیی كوردستان سەردانی هەڤاڵ كۆسرەت رەسوڵ عەلی، سیمبوولی باڵای یەكێتی كرد.
لە سەردانەكەدا سەرۆك بافڵ جەلال تاڵەبانی لە نزیكەوە لە تەندروستیی هەڤاڵ كۆسرەت رەسوڵ عەلی پرسی و هیوای خواست هەمیشە لەشساغ و تەندروست بێت و بەمێژووە پڕ لە شكۆمەندییەكەیەوە وەك هەمیشە لە خزمەتی یەكێتی و كوردستاندا بێت.
سەرۆك بافڵ ستایشی رۆڵ و پێگەی بەرزی كاك كۆسرەتی كرد لە مێژووی خەباتی گەلەكەمان و وتی، “ئەزموونی دەوڵەمەند و پڕ لە شانازیی كاك كۆسرەت بۆ ئێمە قوتابخانەیە و وانەكانی قارەمانێتی و جوامێریی لێوە فێردەبین، ئێمە بەشوێنپێی سەرۆك مام جەلال و كاك كۆسرەتدا هەنگاودەنێین و درێژەپێدەری ئەو سیاسەتە تەندروستە دەبین كە پەیڕەویان دەكرد”.
