سەرۆكی هەرێمی كوردستان بۆ پرسی هەڵبژاردنی پەرلەمانی كوردستان لەگەڵ دادگای پێداچوونەوەی هەرێم كۆبووەوە
بەپێی راگەیەندراوێكی سەرۆكایەتیی هەرێم تێیدا هاتووە، پێشنیوەڕۆی ئەمڕۆ سێشەممە نێچیرڤان بارزانی سەرۆكی هەرێمی كوردستان، لەگەڵ سەرۆك و جێگران و ئەندامانی دادگای پێداچوونەوەی هەرێمی كوردستاندا كۆبووەوە.
لە راگەیەندراوەكەدا هاتووە، لە كۆبوونەوەكەدا كە وەزیری دادی هەرێم ئامادەیبوو پرسی دواكەوتنی بڕیاری دادگای باڵای فیدڕاڵیی عێراق سەبارەت بە یاسای هەڵبژاردنی پەرلەمانی كوردستان و رەهەندە دەستووری و یاساییەكان و ئەگەر و لێكەوتەكانی، خرانە بەر باس و گفتوگۆ.
سەرۆكی هەرێمی كوردستان جەختیلەوە كردەوە كە سەرۆكایەتیی هەرێمی كوردستان و لایەنە پەیوەندیدارەكان هەموو رێكارێكی دەستووری و یاسایی دەگرنەبەر بۆ ئەنجامدانی هەڵبژاردنی پەرلەمانی كوردستان، لەمبارەیەشەوە ڕاوسەرنجی بەشداربووانی كۆبوونەوە بە هەند و جێی بایەخ وەردەگیرێت و كاری جددیان لەسەر دەكرێت
