ئەندامێكی ئەنجومەنی نوێنەرانی عێراق رایدەگەیەنێت، حكومەتی عێراق پارەی تایبەت بە پلەبەرزكردنەوەی فەرمانبەرانی هەرێم دەنێرێت و ئەوەش دوای وردبینیكردن لە لیستەكان كە لەلایەن هەرێمەوە بۆی رەوانەدەكرێت.
نەرمین مەعروف ئەندامی لیژنەی دارایی لە ئەنجومەنی نوێنەرانی عێراق رایدەگەیەنێت، لە كۆبوونەوەمان لەگەڵ بەرپرسانی وەزارەتی دارایی عێراق رایانگەیاند كە پارەی تایبەت بە پلەبەرزكردنەوەی فەرمانبەرانی هەرێم دەنێرن ئێستا چاوەڕوانی ئەو لیستە دەكەن كە لەلایەن هەرێمی كوردستانەوە بۆیان رەوانەدەكرێت.
وتیشی، “دەبێت هەرێمی كوردستان لیستەكان بە پلەبەرزكردنەوەوە بۆ بەغداد بنێرێت و دوای وردبینیكردن لە لیستەكان ئەو پارەیەی تایبەتە بە پلەبەرزكردنەوەی فەرمانبەران بۆ هەرێم دەنێرێت”.
