بانکی ناوەندیی عێراق ئەمڕۆ بڕێکی زیاتری دۆلاری بەراورد بە دوێنێ و چەند رۆژی رابردوو خستەبازاڕەوە و کۆی گشتی 241 ملیۆن بوو.
بە گوێرەی خشتەی بانکی ناوەندیی عێراق، ئەمڕۆ سێشەممە، 241 ملیۆن و 810 هەزار و 397 دۆلاری فرۆشتووە و لەو بڕەش، 219 ملیۆن و 830 هەزار و 397 دۆلاری حەواڵە بووە و 21 ملیۆن و 980 هەزار دۆلاری کاش بووە.
نرخی دۆلار لە بازاڕەکانی هەرێمی کوردستان و عێراق لە نێوان 151 هەزار و 750 دینار بۆ 152 هەزار و 250 دیناردایە لە ئەمڕۆدا.
