بەپێی زانیارییەکان، وەزیری دارایی عێراق نووسراوی خەرجکردنی مووچەی مانگی نۆی مووچەخۆرانی هەرێمی کوردستانی واژووکرد.
سەرچاوەیەکی ئاگادار لە وەزارەتی دارایی عێراق رایگەیاند، ئەمڕۆ پێنجشەممە، لە کۆتایی دەوام، نووسراوی خەرجکردنی مووچەی مانگی نۆ گەیشتە بەردەم تەیف سامی، وەزیری دارایی عێراق و ئەویش واژووی کرد.
وتیشی، پاش واژووکردنی، نووسراوەکە ئاراستەی لقی هەولێری بانکی ناوەندیی عێراق کرا تا ئەو پارەیە، بخرێتە سەر هەژماری بانکیی وەزارەتی دارایی هەرێمی کوردستان.
ئەو سەرچاوەیە ئەوەشی خستەڕوو، ئێوارەی ئەمڕۆ، یان رۆژی شەممە، خشتەی مووچە بڵاودەکرێتەوە و یەکشەممەش، دەست بە دابەشکردنی مووچە دەکرێت.
