بەڕێوەبەرایەتیی گشتیی ئاسایشی سلێمانی رایگەیاند، ھێزەكانی ئاسایشی راپەڕین بە ھەماھەنگی بەڕێوەبەرایەتیی نەھێشتنی ماددە ھۆشبەرەكانی دەزگای ئاسایش، دوای بەدواداچوون و چاودێریكردنی ورد بە بڕیاری دادوەر لە 2ی ئەم مانگە توانیان بازرگانێكی ماددەی ھۆشبەر لەنزیك ناحیەی (ژاراوە)ی ئیدارەی راپەڕین دەستگیربكەن و دەستبگرن بەسەر بڕی یەك كیلۆ گرام ماددەی ھۆشبەر لە جۆری كریستاڵ.
ئاماژەی بەوەشكردووە، لە ئێستادا تۆمەتبار بەماددەی 26 لەیاسای بەرەنگاربوونەوەی ماددە ھۆشبەرەكان و كارتێكارە ئەقڵییەكان راگیراوە و لێكۆڵینەوە لە دۆسییەكەی بەردەوامە.
دەزگای ئاسایشی ھەرێم لەپێناو دابینكردنی ئارامی و سەقامگیری زیاتر ھەوڵەكانی بەردەوامە لە لەپێناو بەرەنگاربوونەوەی ماددە ھۆشبەرەكان.
