بەیانی ئەمڕۆ جوتیارێک لە سنووری گوندی قەمبەری سەر بە شارەدێی سێگردکان لەکاتی کێڵانی زەوییەکەی تراکتۆرەکەی وەرگەڕا و بەهۆیەوە گیانیلەدەستدا.
قاسم حەمد تەمەن 43 ساڵانە و دانیشتووی گوندی قەمبەری سەر بە شارەدێی سێگردکانە لە قەزای کۆیە، بەیانی ئەمڕۆ بە تراکتۆرەکەی سەرقاڵی کێڵانی زەوییەکەی بووە، لەکاتی کارکردندا کۆنتڕۆڵی لەدەستداوە و وەرگەڕاوە.
بەهۆی ئەوەی قاسم بەتەنها لە زەوییەکەیدا کاری کردووە دوای کاتژمێرێک لەلایەن دانیشتووانی گوندەکەوە دۆزراوەتەوە و بە برینداری گەیاندوویانەتە نەخۆشخانە، بەڵام دواتر بەهۆی سەختی برینەکەیەوە گیانیلەدەستداوە.
