رێبوار تەها رایدەگەیەنێت، دەبێت هەڵمەتەکانی بانگەشەی هەڵبژاردن لەسەر بنەمای پێشکەشکردنی خزمەتگوزاریی بێت.
رێبوار تەها، پارێزگاری کەرکوک، لە لێدوانێکدا رایگەیاند، “با لە هەڵمەتەکانی بانگەشە، گەنجان بەمەبەستی خراپ بەکارنەهێنرێن، رکاربەرییەکە لەسەر بنەمای ئەوەبێت کێ کاری جوان و خزمەتگوزاریی باش پێشکەش بە هاوڵاتییان دەکات”.
دەشڵێت، “بەداخەوە هەندێک لایەن خوێنی گەرمی گەنجەکان بۆ مەرامی خۆیان بەکاردەهێنن، بەڵام دڵنیام گەنجەکانمان هۆشیارن و دەزانن کە ئەم جۆرە لە بانگەشە بە سوودی خۆیان و شارەکەیان نییە”.
