وتەبێژی بەنزینخانەكانی سلێمانی رایدەگەیەنێت، لە كاتژمێر 4ی پاشنیوەڕۆی ئەمڕۆوە بڕیاری دابەزاندنی نرخی بەنزین لە بەنزینخانەكانی سلێمانی خرایە بواری جێبەجێكردنەوە و سەرجەم جۆرەكانی بەنزین 25 دینار دابەزی.
بەهمەن شێخ قادر وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای راگەیاند، لە كاتژمێر 4ی پاشنیوەڕۆی ئەمڕۆوە سەرجەم جۆرەكانی بەنزین 25 دینار دابەزی و هۆكارەكەشی زۆربوونی بەنزینی بازرگانی و كەمی خواستە كە نرخەكەیان دابەزینی بەخۆوە بینیوە.
وتیشی، ” بەنزینی سوپەر لە 1250 دینارەوە بۆ 1225 دینار دادەبەزێت، بەنزینی موحەسەن لە هەزار و 100 دینارەوە بۆ هەزار و 75 دینار دادەبەزێت، بەنزینی نۆرماڵیش لە 875 دینارەوە بۆ 850 دینار دادەبەزێت.
