به‌ڕێوه‌به‌ری پلاندانان و رێكخستنی میلاكات له وه‌زاره‌تی پێشمه‌رگه بڕوانامه‌ی دكتۆرای سه‌ربازی به ده‌ستهێنا، کە بۆ یه‌كه‌م جارە له‌مێژووی وه‌زاره‌تەکە ئەو بڕوانامەیە بەدەستبهێنرێت.
وەزارەتی پێشمەرگەی حکومەتی هەرێم لە راگەیەندراوێکدا بڵاویکردەوە، دوای ئه‌وه‌ی لیوا روكن كارزان مه‌ولود به‌ڕێوه‌به‌ری پلاندانان و رێكخستنی میلاكات له وه‌زاره‌تی پێشمه‌رگه بۆ یه‌كه‌م جار له‌مێژووی وه‌زاره‌تی پێشمه‌رگه له‌شاری به‌غداد، بڕوانامه‌ی دكتۆرای سه‌ربازی به ده‌ستهێنا.
باس لەوەش دەکات، ئه‌مڕۆش 17ی کانوونی دووەمی 2024 به‌ئاماده‌بونی شۆڕش ئیسماعیل، وه‌زیری پێشمه‌رگه و عه‌بدولخالق بابیری بریكاری وه‌زاره‌ت و سه‌رۆكی ئه‌ركان و ئه‌مینداری گشتی و به‌ڕێوه‌به‌رانی گشتی وه‌زاره‌ت و ئه‌فسه‌رانی باڵا رێوه‌ڕه‌سمی رێزلێنان له‌به‌رامبه‌ر وه‌رگرتنی ئه‌و بڕوانامه‌یه بۆ لیوا روكن كارزان مەولود له وه‌زاره‌تی پێشمه‌رگه رێكخرا.
