لە باشووری فلیپین، بوومەلەرزەیەک بە گوڕی 7.1 پلە بە پێوەری رێختەر روویدا.
میدیاکانی وڵاتەکە بڵاویانکردەوە، بەرەبەیانیی ئەمڕۆ سێشەممە، بوومەلەرزەیەک بە گوڕی 7.1 پلە بە پێوەری رێختەر لە ناوچەی دافاو ئۆکسیدەنتال لە باشووری فلیپین روویدا.
پەیمانگای گڕکان و بومەلەرزەزانیی فلیپین رایگەیاند، “ناوەندی بوومەلەرزەکە لە قووڵایی 76کیلۆمەتر و بە دووریی نزیکەی 119کیلۆمەتر لە باشووری رۆژهەڵاتی دوورگەی سارانگانی بووە”.
پەیمانگاکە رایگەیاندووە، ئەگەری هەیە بوومەلەرزەی دیکەش رووبدات، بەڵام رەتیکردەوە مەترسی دروستبوونی تسۆنامی هەبێت.
