لە کۆی 294 تانە کە لە هەڵبژاردنەکانی ئەنجومەنی پارێزگاکان گیرابوو، دەستەی دادوەری هەڵبژاردنەکان 80 تانەی یەکلاکردەوە و رەوانەی کۆمسیۆنی باڵای هەڵبژاردنەکانی کردووە.
جومانە غلای وتەبێژی کۆمسیۆنی باڵای هەڵبژاردنەکان رایگەیاند، دەستەی دادوەری هەڵبژاردنەکان 80 تانەی یەکلاکردەوە و شەوی رابردوو بۆ کۆمسیۆنی ناردەوە.
پێشتر کۆمسیۆنی هەڵبژاردنەکان ئاشکرایکردبوو، ئەنجامی تانەکان کاریگەری لەسەر ئەنجامی هەڵبژاردنەکان دروستناکەن، زۆرینەیان پەیوەندیان بە کورسی کۆتاکان و هەژمارکردنی کورسییەکانەوە هەیە.
