جۆ بایدن سەرۆکی ئەمریکا رایگەیاند، هێرشە موشەکییەکەی هەفتەی رابردووی سەر بارەگایەکی حەشدی شەعبی لە شاری بەغداد بە فەرمانی راستەوخۆی ئەو بووە.
جۆ بایدن سەرۆکی ویلایەتە یەکگرتووەکانی ئەمریکا ئەمڕۆ شەممە نامەیەکی بۆ کۆنگرێس ناردووە کە تێیدا هاتووە، بە مەبەستی پاراستنی گەلی ئەمریکا لە چوارشێوەی بەرپرسیارێتی سەر شانم فەرمانی ئەنجامدانی هێرشەکەم دەرکردووە”.
ئاماژەی بەوەشکرد، ئەوەی کردوومە لە چوارچێوەی دەسەڵاتە دەستوورییەکانمە، وەک فەرماندەی گشتیی هێزە چەکدارەکان و سەرۆکی وڵاتەکە و ئامادەی هەر رێوشوێنێکی نوێن لە ئەگەری هەر هەڕەشە و هێرشێک بۆ سەر هاوڵاتییانیان.
ئاشکراشیکرد، هێرشەکە لەگەڵ یاسا نێودەوڵەتییەکان دژ نییە و بەپێی ماددەی 51 ی پەیماننامەی نەتەوەیەکگرتووەکان لە چوارچێوەی بەرگریکردن لە خود ئەنجامدراوە.
