وتەبێژی حکومەتی هەرێمی کوردستان بڵاویکردەوە، کەمێک بەر لە ئێستا وەفدی حکومەتی هەرێمی کوردستان گەشتە بەغداد و بابەتی مووچەی فەرمانبەرانی هەرێمی کوردستان و هەمواری بودجە و تێچووی بەرهەمهێنانی نەوتی هەریم بابەتی گفتوگۆ دەبن، لەگەڵ حکومەتی ناوەندی.
پێشەوا هەورامانی وتەبێژی حکومەتی هەرێمی کوردستان بڵاویکردەوە، وەفدەکە گەیشتوونەتە بەغداد و سێ پرس تاوتوێ دەکەن، بابەتی مووچەی فەرمانبەرانی هەرێمی کوردستان و هەمواری یاسای بودجەو تێچووی بەرهەمهێنانی نەوتی هەرێمی کوردستان.
دەشڵێت، “حکومەتی هەرێمی کوردستان بەدوای گەیشتنە بەچارەسەری کۆتایی لەسەر ئەم پرسانە.”
لەلایەکی دیکەشەوە، وەزارەتی دارایی و ئابوریی حکومەتی هەرێمی کوردستان بڵاویکردەوە، وەفدەکە پێکهاتبوو لە ئاوات جەناب نوری وەزیری دارایی و کەمال محەمەد وەزیری سامانە سروشتییەکان و ئومێد سەباح سەرۆکی دیوانی ئەنجومەنی وەزیران و ئامانج ڕەحیم سکرتێری ئەنجومەنی وەزیران و عەبدول حەکیم خەسرۆ سەرۆکی فەرمانگەی هەماهەنگی و بەدواداچون و خالید هادی چاوشلی و دکتۆر محەمەد شاکر راوێژکار لەئەنجومەنی وەزیران و ژمارەیەک راوێژکارو بەڕێوەبەری گشتی لە وەزارەتی سامانە سروشتیەکان.
