لێپرسراوی بۆردی راگەیاندنی یەكێتیی نیشتمانیی كوردستان رایدەگەیەنێت، یەكێتی تاكە حزبی كوردییە لەم هەڵبژاردنە لە سەرجەم ناوچە كوردستانییەكاندا كورسی بەدەستهێناوە.
لەتیف نێروەیی لێپرسراوی بۆردی راگەیاندنی یەكێتیی نیشتمانیی كوردستان لە كۆنگرەیەكی رۆژنامەوانیدا كە پەیامنێری تۆڕی میدیایی ئێستا ئامادەی بوو رایگەیاند، “یەكێتی تاكە حزبی كوردییە لەم هەڵبژاردنە لە سەرجەم ناوچە كوردستانییەكان كورسی بەدەستهێناوە”.
لێپرسراوی بۆردی راگەیاندنی یەكێتی وتیشی، “پۆستی پارێزگاری كەركوك لە یەكێتی دەبێت و رۆڵی سەرەكیمان دەبێت لە پێكهێنانی ئیدارەی كەركوك و ئەو پلانەی یەكێتی بۆ هەڵبژاردن داینابوو سەركەوتووبوو”.
وتیشی، “دوای راگەیاندنی ئەنجامی كۆتایی هەڵبژاردنەكان دەست بە دانوستان لەگەڵ هێز و لایەنە سیاسییەكان دەكەین”.
