هێزەکانی سوریای دیموکرات (هەسەدە) 20 منداڵی چەکدارانی داعشیان ڕادەستی ڕوسیاکردەوە.
ڕوانگەی سوری بۆ مافەكانی مرۆڤ بڵاویكردەوە، هەسەدە 20 منداڵی چەكدارانی داعش کە باوك و دایکیان ڕوسی بوون و لە شەڕدا کوژراون، ڕادەستی شاندێكی ئەو وڵاتە كردەوە كە لە ئێستادا لە ڕۆژئاوای كوردستانن.
ڕوونیشیكردەوە، منداڵەكان تەمەنیان لە نێوان 3 بۆ 16 ساڵیدایە و تەندروستیان باشە و لە کەمپی “ڕۆژ” بوون لە ڕۆژئاوای كوردستان.
بەپێی ئاماری ڕوانگەی سوری بۆ مافەكانی مڕۆڤ، له مانگی نیسانی ئەمساڵ 34 منداڵی چەکدارانی داعش ڕادەستی ڕوسیا کرانەوە، بەوەش ژمارەی ئەو هاوڵاتییە ڕوسیانەی لە ڕۆژئاوای كوردستانەوە گەڕێندراونەتەوە بۆ ڕوسیا، گەیشتووەتە 205 کەس.
