سەرۆکی دەستەی وەبەرهێنان رایگەیاند، لەدوای سەری ساڵەوە دانەوەی قیستەکانی پرۆژەکانی وەبەرهێنان لەلایەن هاوڵاتییانەوە دەکرێت بە دیناری عێراقی.
محەمەد شوکری سەرۆکی دەستەی وەبەرهێنانی کوردستان بە رۆژنامەنووسانی راگەیاند، پێشنیاری ئەوەمانکردووە کە کارئاسانی بۆ خەڵك بکرێت لە دانەوەی ئەو قەرزانەی لەسەریانە بەوەی ئاسانکاریی بکرێت بە نرخێکی نزیک لە دۆلار بە دیناری عێراقی، بەڵام خۆتان دەزانن نرخی دۆلار لە بازاڕ و لە بانکی ناوەندی جیاوازیان بە رێژەی %20 هەیە.
ئاماژەی بەوەشکرد، جیاوازی نرخی دۆلار، کاریگەری لەسەر وەبەرهێنەرانیش دروستکردووە، بۆیە تا ئێستا ناچارماننەکردوون پێدانەوەی قەرزەکان بکەنە دینار.
ئاشکراشیکرد، لەدوای سەری ساڵەوە لەگەڵ عێراق ئەو کێشانە چارەسەدەکرێن و دەبێتە دینار.
