قائیمقامیەتی دەربەندیخان هاتوچۆکردنی سەرشاخی بۆ تانکەری سوتەمەنی قەدەغەکرد بەهۆی ئەوەی تەنکەرەکان سووتەمەنییان لێڕژاوە.
لە ڕاگەیەندراوێکدا قائیمقامیەتی دەربەندیخان بڵاویکردووەتەوە، بە هەماهەنگی لەگەڵ ئیدارەی گەرمیان هاتووچۆکردنی تانکەری سووتەمەنییان بەڕێگەی دەربەندیخان و ڕێگای سەرشاخ قەدەغەکردووە.
ئاماژە بەوەشکراوە، ئەو تانکەرانە سووتەمەنی و نەوتیان لێڕژاوەتە سەر شەقامەکە و ئاستەنگی هاتوچۆیان دروستکردووە، بۆیە لە سبەینێوە هاتوچۆی ئەو تانکەرانە قەدەغەیە.
لە راگەیەندراوەکەشدا هاتووە، پێویستە تانکەر لە سبەینێوە بەڕێگای سەنگاو – چەمچەماڵدا بڕۆن.
