گالیلۆ، ئەسپێکی ئینگلیزی لەدایکبووی ساڵی 1998 و 10 نازناوی لەسەریەکی پاڵەوانیەتی جیهانی بەدەستهێناوە،
گالیلۆ لە ئێستادا ئەسپێکی خانەنشینە و پێشتر نازناوەکانی خێرایی ئیپسۆم دێربی، پاڵەوانیەتی پادشا جۆرج و دێربی ئێرلەندا و پاڵەوانیەتی شاژنە ئیلیزابێزی بەدەستهێناوە، لە ساڵی 2008 یەکەم نازناوی پاڵەوانیەتی جیهانی بەدەستهێناوە و تاوەکو 2019 ڕێگەی بە هیچ ئەسپێکی دیکە نەداوە لە لوتکەدا بێت، مەگەر ساڵی 2008 نەبێت کە تیایدا پلەی دووەمی بەدەستهێناوە.
گالیلۆ لەلایەن ئایدان ئۆ بریانی ئەسپسوارەوە پەروەردەکراوە و پێشتر باوکی پاڵەوان بووە و خۆشی باوکی ناسانێل و میندینگ و فرانکلە کە سەرجەمیان پاڵەوانی جێگرەوەن، ئەم ئەسپە لەلایەن ڕێکخراوی کۆلیمۆرەوە نرخەکەی بە 200 ملیۆن یورۆ خەمڵینراوە، لە دوای وازهێنانیش پارە بۆ خاونەداریەتیەکەی پەیدادەکات و تەنها سەردانکردنێکی 670 هەزار یورۆی پێویستە.
ڕۆژنامەی ئاسی ئیسپانی بە داتا و ژمارە دەریخستووە کە نرخی گالیلۆ لە نرخی کریستیانۆ و مێسی و نێیمار بەرزترە، هەروەها لە ژیانی ئاساییدا لە ڕێگەی سپۆنسەر و ڕیکلامکەرانەوە ئەگەر هێندەی ئەو یاریزانانەی بواری تۆپی پێ بەدەستنەهێنێت، کەمتر بۆ خاوەنەکەی کۆناکاتەوە.
