کۆمپانیای پیشەسازیی فڕۆکەوانیی کۆریای باشوور رایگەیاند کە بە بەهای 136 ملیار وۆن کە دەکاتە 93.7 ملیۆن دۆلاری ئەمریکی بۆ هەناردەکردنی کۆپتەرەکانی KUH بۆ عێراق واژووکردووە.
بەگوێرەی قسەی ئاژانسە هەواڵییەکانی کۆریای باشوور و بە قسەی کۆمپانیا کۆرییەکە، تا مانگی ئازاری 2029 کۆپتەرەکان بۆ حکومەتی عێراق دابیندەکرێت.
هێلیکۆپتەری “سوریۆن” یاخود KUH لە ساڵی 2012 لەلایەن کۆمپانیای پیشەسازیی فڕۆکەوانی کۆریای باکوورەوە پەرەی پێدراوە بۆ ئەوەی جێگەی هێلیکۆپتەرە کۆنەکانی سوپا بگرێتەوە، حکومەتی کۆریای باشوور لە ناوەڕاستی ساڵی 2010وە تاوتوێی پرسی هەناردەکردنی کۆپتەرەکان بۆ ژمارەیەک وڵات دەکات وەک عێراق و ئەندەنوسیا و تایلەند، بەڵام لەو کاتەدا هیچ گرێبەستێک نەکراوە.
لە ئێستادا زیاتر لە 200 هەلیکۆپتەر لە سوپای کۆریای باشوور کاردەکەن و ئۆپەراسیۆنی جۆراوجۆر ئەنجام دەدەن، لەوانەش ئەرکی هێرشی ئاسمانی و گواستنەوەی ئاسمانیی کەلوپەلەکان.
