وەزیری نەوتی عێراق گەیشتە هەولێر و بڕیارە لەگەڵ وەزیری سامانە سروشتییەکانی هەرێم کۆببێتەوە.
ئەمڕۆ شەممە، حەییان عەبدولغەنی، وەزیری نەوتی عێراق گەیشتە هەولێر و بڕیارە لەگەڵ کەمال محەمەد، وەزیری سامانە سروشتییەکانی هەرێم کۆببێتەوە.
بەپێی زانیارییەکان، بڕیارە لە کۆبوونەوەکەدا گفتوگۆ لەسەر دۆسیەی نەوتی هەرێم و رێكارەكانی دەستپێكردنەوەی هەناردەی نەوتی هەرێم بكەن.
پێشتر پێشەوا هەورامانی، وتەبێژی حکومەتی هەرێم رایگەیاند، پرسی سەرەكیی كۆبوونەوەكان كێشەی تێچووی بەرهەمهێنانی نەوت و رێكارەكانی دەستپێكردنەوەی هەناردەكردنەوەی نەوتی هەرێمە كە بۆ ئەم پرسە شاندەكە دوو بۆ سێ ڕۆژ دەمێننەوە.
