وەزارەتی بازرگانی عێراق زیاتر لە یەک ملیۆن هاوڵاتیی لە پێنج پارێزگا لە سوودمەندبوون لە سەبەتەی خۆراکی بێبەشدەکات بەهۆی تازەنەکردنەوەی داتاکانیان.
موسەننا جابر وتەبێژی وەزارەتی بازرگانی عێراق رایگەیاند، کارەکانی بە ئەلیکترۆنیکردنی فۆڕمی خۆراک لە پارێزگاکانی کەرکوک، موسەننا، کەربەلا، نەجەف و دهۆک بە رێژەی 98% تەواوبوون،
ئەوانەی کە ماون ئەوانەن کە نایانەوێت داتاکانیان نوێ بکەنەوە یان چوونەتە دەرەوەی وڵات.
ئاماژەی بەوەشکرد، تەنها لە کەرخ 64 هەزار خێزان ئامادەنەبوون داتاکانیان نوێ بکەنەوە و لە کۆی ئەو پێنج پارێزگایەش یەک ملیۆن و 250 هەزار کەس ناوەکانیان لە سەبەتەی خۆراکی دووردەخرێنەوە.
