بەڕێوەبەرایەتیی نەوت و كانزاكانی سلێمانی بڵاویکردەوە، “پڕۆسەی دابەشکردنی نەوت سبەینێش بەردەوامە”.
لە راگەیەندراوێکدا کە وێنەیەکی دەست تۆڕی میدیایی ئێستا کەوتووە، بەڕێوەبەرایەتیی نەوت و كانزاكانی سلێمانی رایگەیاند، “سبەینێ، دووشەممە کە دەکاتە 30ی تشرینی یەکەمی 2023 نەوت لە سنووری بنکەی 8 لەناو شاری سلێمانی دابەشدەکرێت”.
ئەوەش لەکاتێکدایە، رۆژی شەممە 28ی تشرینی یەكەم دابەشکردنی نەوتی سپی لەناو شاری سلێمانی دەستیپێکرد و بەپێی بڕیاری وەزارەتی سامانە سروشتییەكانی هەرێم، بڕی نەوتەكە 200 لیترە و بە كارتی زیرەك بەسەر خێزانەكاندا دابەشدەكرێت.
