پەرلەمانی کوردستان ئەمڕۆ خوێندنەوەی دووەم بۆ پڕۆژە یاسای پەروەردە و فێرکاری دەکات، بڕیارە وەزیری پەروەردەی حکومەتی هەرێمیش ئامادەی دانیشتنەکە بێت.
بڕیارە کاتژمێر 11:00ی پێشنیوەڕۆی ئەمڕۆ پەرلەمانی کوردستان کۆببێتەوە، لە کۆبوونەوەکەدا بە ئامادەبوونی ئالان حەمەسەعید وەزیری پەروەردەی حکومەتی هەرێم خوێندنەوەی دووەم بۆ پڕۆژە یاسای پەروەردە و فێرکاری دەکرێت.
پڕۆژە یاسای پەروەردە و فێرکاری لە 182 ماددە پێکهاتووە و وەزیری پەروەردە بەمەبەستی وەڵامدانەوەی پرسیار و پێشنیارەکانی پەرلەمانتاران ئامادەی دانیشتنەکە دەبێت.
