وەزارەتی دارایی هەرێم رایدەگەیەنێت، “ئەمڕۆ، راپۆرتی تەرازووی پێداچوونەوە (میزان مراجعە)ی سێ مانگی رابردوومان رەوانەی بەغداد کرد”.
لە راگەیەندراوێکدا، وەزارەتی دارایی و ئابوری هەرێمی کوردستان ئاماژە بەوە دەکات، “رۆژی یەکشەممە کە دەکاتە 29ی تشرینی یەکەمی 2023، بەواژۆی وەزیری دارایی و ئابوری، راپۆرتی تەرازووی پێداچونەوە (میزان مراجعە)ی مانگەکانی تەموز و ئاب و ئەیلولی هەرێمی کوردستان رەوانەی وەزارەتی دارایی عێراق کرا”.
ئەوەشی خستۆتەڕوو، “سەرجەم داهات و خەرجییەکانی سێ مانگی رابردووی هەرێمی کوردستانی بە داتا و ژمارە تێدا روونکراوەتەوە”.
