سەرۆك وەزیرانی عێراق رایدەگەیەنێت، بەم نزیكانە هەرێم و بەغداد لەسەر پرسی مووچە كۆدەبنەوە و دەشڵێت، دیوانی چاودێریی دارایی هەرێم و بەغداد راپۆرتی خۆیان لەسەر وردبینی لە لیستی مووچەخۆرانی هەرێم ئامادەكردووە.
محەمەد شیاع سودانی سەرۆك وەزیرانی عێراق لە لێدوانێكی رۆژنامەوانیدا رایگەیاند، بەم نزیكانە هەرێم و بەغداد لەسەر پرسی مووچە جارێكی دیكە كۆدەبنەوە و راشیگەیاند لە مانگی 12ی ئەمساڵەوە پاكتاوی دارایی نێوان هەرێمی كوردستان و عێراق دەكرێت.
ئاشكراشیكرد، دیوانی چاودێریی دارایی عێراق و هەرێم راپۆرتی خۆیان لەبارەی وردبینی لە لیستی مووچەخۆرانی هەرێمی كوردستاندا ئامادەكردووە.
لەبارەی دەستپێكردنەوەی هەناردەی نەوتی هەرێم، سەرۆك وەزیرانی عێراق ئاماژەی بۆ ئەوەش كرد، توركیا و عێراق ئامادەیی خۆیان بۆ دەستپێكردنەوەی هەناردەی نەوتی هەرێم دەربڕیوە و تاكە كێشەی بەردەم هەناردەی نەوت تێچووی كۆمپانیاكانە و دوای رێككەوتن لەگەڵ كۆمپانیا نەوتییەكان لە ماوەی 30 رۆژدا هەناردەی نەوتی هەرێم دەستپێدەكاتەوە.
