تەندروستیی سلێمانی رایدەگەیەنێت، لە نەخۆشخانەی شار، ژیانی هاوڵاتییەک لە مردن رزگاركرا كە دڵی لە لێدان وەستابوو.
بەڕێوەبەرایەتیی گشتیی تەندروستیی سلێمانی بڵاویکردەوە، پاش ئەوەی پیاوێكی تەمەن 56 ساڵ گەیەندرایە بەشی فریاكەوتنی نەخۆشخانەی شار كە دڵی لە لێدان و كاركردن وەستابوو، لەلایەن تیمی فریاكەوتنی نەخۆشخانەكە، چارەسەری فریاگوزاریی سەرەتایی و بووژانەوەی دڵی بۆ كرا و دڵی كەوتەوە كار.
ئاماژەی بەوەشکرد، لەدوای ئەنجامدانی چارەسەری فریاگوزاریی سەرەتایی و قەستەرە بۆ نەخۆشەكە، لەئێستادا تەندروستیی جێگیرە و لەژێر چاودێریی تەندروستیدایە.
