بەرپرسێكی راگەیاندن و پەیوەندییەكانی فەرماندەی پاسەوانی سنووریی ناوچەی یەك رایدەگەیەنێت، ئەو كەسانەی پێشتر فۆڕمیان پڕكردەوە و ناویان هاتووەتەوە بەشداریی لە خولێكدا دەكەن و دەستبەكاردەبن كە مووچەیان لەسەر حكومەتی عێراق دەبێت و كەمترین مووچە لە 900 هەزار دینارەوە دەستپێدەكات.
موقەدەم سامی ئیسماعیل ئەفسەری راگەیاندن و پەیوەندییەكانی فەرماندەی پاسەوانی سنووریی ناوچەی یەك لە لێدوانێكدا بە تۆڕی میدیایی ئێستای راگەیاند، ئەو كەسانەی پێشتر فۆڕمیان پڕكردبووەوە و مامەڵەكانیان تەواوكرد و ناویان هاتەوە و بە تێكرا بۆ هەرێمی كوردستان 900 كەس بۆ پاسەوانی سنوور دادەمەزرێندرێن و بە سێ وەجبە بەشداریی خول دەكەن و دەستبەكاردەبن و بەسەر لیواكاندا دابەشدەكرێن.
راشیگەیاند، ئەو كەسانەی وەكو پاسەوانی سنوور دادەمەزرێندرێن مووچەیان لەسەر عێراق دەبێت و كەمترین مووچەیان لە 900 هەزار دینارەوە دەستپێدەكات.
