لە یەکێک لە وڵاتە ئەفریقییەکان دەیان خوێندکاری کچ تووشی ئیفلیجی بوون و توانای رۆیشتنیان لەدەستداوە و واش گوماندەکرێت ئەمە هەوڵێک بێت بۆ پەکخستنی تاقیکردنەوەکانی کۆتایی ساڵ لەلایەن خوێندکارانەوە.
پێگەی دەیلی مەیلی بەریتانی بڵاویکردەوە، لە شاری مۆسۆلی کینیا لە خوێندنگەکەیدا 95 کچە خوێندکار توانای رۆیشنین لەدەستداوە و گەیەندراونەتە نەخۆشخانە و مەترسی بڵاوبونەوەی نەخۆشییەکی ترسناک هەیە.
نەخۆشییەکە بە شێوەیەکە خوێندکارەکان یەک لەدوای یەک لەناکاو توانای رۆیشتنیان لەدەستداوە و هاوڕێکانیان هاوکارییان کردوون لە رێکردندا.
لە ئێستادا پشکنینی پێویست بۆ خوێندکارەکان کراوە و چاوەڕێی دەرچوونی ئەنجامەکانی دەکرێت.
بەشێک لە شارەزایانی بواری تەندروستی گوماندەکەنە ئەمە جۆرێک بێت لە هیستریای بەکۆمەڵ و خوێندکارەکان بیانەوێت خۆیان لە تاقیکردنەوەکانی کۆتایی ساڵ دەربازبکەن.
