بەڕێوەبەرایەتیی هاتوچۆی سلێمانی رایدەگەیەنێت، ” تیمەکانی هێڵکاری ئەندازەی بەڕێوەبەرایەتییەکەمان بەردەوامن لە هێڵکاریکردنی شەقامەکان”.
ئاماژە بەوە دەکات، “تیمەکانی هێڵکاری ئەندازەی بەڕێوەبەرایەتیی هاتوچۆی سلێمانی بەردەوامن لە هێڵکاریکردنی شەقامەکان بەبۆیاخی گەرم لەسەر شەقامی بازنەیی مەلیک مەحمود، بەتایبەت لەو شوێنانەی قیری شەقامەکان کاری نۆژەنکردنەوەیان بۆ کراوە”.
ئەو بەڕیوەبەرایەتییە دەشڵێت، “دوای تەواوبوونی شەقامی مەلیک مەحمود دەست بە کارکردن لەو شەقامانەدا دەکرێت کە ئامادەن بۆ هێڵکاریکردن وەک شەقامی نەخۆشخانەی شار بۆ تونێلی پێشڕەو، هەروەها ڕێگای سەرەکی تاسڵوجە بەرەو ناحیەی تەکیە و چەندین ڕێگا و شەقامی دیکە لەناو شاری سلێمانی و دەوروبەری”.
