رۆژی چوارشەممە مووچەی دوو مانگی مامۆستایانی گرێبەستی خوێندنی باڵا دابەشدەکرێت.
وەزارەتی دارایی و ئابوری حکومەتی هەرێمی کوردستان رایگەیاند، رۆژی چوارشەممە مووچەی مامۆستایانی گرێبەست لە وەزارەتی خوێندنی باڵا دابەشدەکرێت.
ئاماژەی بەوەشداوە، بڕیاری دابەشکردنەکە دوای تەواوبوونی رێکارەکانی وردبینی و ژمێریاری لە وەزارەتی خوێندنی باڵا و گەیشتنی لیستەکان دێت بۆ گەنجینەکانی وەزارەتی دارایی هەرێم.
دەشڵێت، دابەشکردنی مووچەکان بەپێی بەرواری دەستبەکاربوونیان دەبێت لەسەر تەمویلی داهاتی ناوخۆی هەرێم.
ئەوەشی خستەروو، رۆژی چوارشەممە مووچەی هەردوو مانگی تشرینی یەکەم و تشرینی دووەمی مامۆستایانی گرێبەست لە وەزارەتی خوێندنی باڵا خەرجدەکرێت.
