به‌بڕی نزیکەی 500 ملیۆن دینار پڕۆژەیەکی ستراتیژیی کارەبا لە چەمچەماڵ جێبەجێ دەکرێت کە کێشەی بارزۆری سەر فیدەرەکانی دابەشکردنی کارەبای ناو قەزاکە چارەسەر دەکات.
به‌ڕێوه‌به‌رایه‌تیی گشتیی كاره‌بای سلێمانی رایدەگەیەنێت، “لە چێوه‌ی پڕۆژه‌كانی به‌ڕێوه‌به‌رایه‌تییەکەمان، له‌سه‌ر بودجه‌ی داهاتی 8٪ی كاره‌با و به‌بڕی 489 ملیۆن و 694 هەزار و 310 دینار بەسەرپەرشتی بەڕێوەبەرایەتیی دابەشکردنی کارەبای چەمچەماڵ، پڕۆژەیەکی ستراتیژی کارەبا لەو قەزایە جێبەجێ دەکرێت”.
پڕۆژه‌كه‌ش بریتییه له دەرکردنی 5 فیدەر لە وێستگەی نوێی مۆبایلی 25MVA لە چەمچەماڵ له سنووری به‌ڕێوه‌به‌رایه‌یتی دابه‌شكردنی كاره‌بای ئەو ناوچەیە، کە گرنگی زۆری هەیە بۆ چارەسەرکردنی بارزۆری سەر فیدەرەکانی دابەشکردنی کارەبای ناو قەزای چەمچەماڵ و بڕیارە لە 120 رۆژدا كاره‌كانی ته‌واو ببێت.
