ئەمڕۆ، یەکشەممە لە شاری دوبەی لە وڵاتی ئیمارات، خەڵاتەکانی گڵۆب سۆکەری تایبەت بە سەرکەوتووانی بواری تۆپی پێیە پێشکەشکران.
لەلایەن ڕێکخەرانی گڵۆب سۆکەرەوە کە پێکهاتبوون لە ڕایەڵەی یانەکانی ئەوروپا و کۆمەڵەی لێپرستاوی کاروباری یاریزانان، کریستیانۆ ڕۆناڵدۆی پۆرتوگالی ئەفسانەی زیندووی یانەی یوڤانتۆس بە باشترین یاریزانی سەدە، هەروەها بۆ ساڵی 2020 ڕۆبێرت لیڤاندۆڤیسکی هێرشبەری پۆڵەندی یانەی بایرن میونشن دەستنیشانکران.
لەسەر ئاستی ڕاهێنەران، هانز دیتەر فلیکی ڕاهێنەری بایرن میونشن وەک باشترینی 2020 و پیپ گواردیۆلا وەک باشترین ڕاهێنەری سەدە دیاریکران.
ئەنجامی خەڵاتەکان بەم شێوەیە بوون:
باشترین یاریزانی ساڵ: ڕۆبێرت لیڤاندۆڤیسکی (بایرن میونشن)
باشترین ڕاهێنەری ساڵ: هانز فلیک (بایرن میونشن)
باشترین یانەی ساڵ: بایرن میونشن
باشترین یاریزانی سەدە: کریستیانۆ ڕۆناڵدۆ (یوڤانتۆس)
باشترین ڕاهێنەری سەدە: پیپ گواردیۆلا (مانچستەر سیتی)
باشترین یانەی سەدە: ڕیاڵ مەدرید
باشترین لێپرسراوی کار لە 2001 بۆ 2020: خۆرخی مێندێز
باشترین ئەزموونی وەرزشی: جێرارد پیکێ (بەرشلۆنە)، ئیکەر کاسیاس (ڕیاڵ مەدرید)
