فڕۆکەیەکی نەفەرهەڵگر لە ناوچەی ئەمازۆنی بەرازیل لە نزیک شارۆچکەی بارسیلۆسی باکوور کەوتە خوارەوە و بەهۆیەوە 14 کەس گیانیان لەدەستدا.
فڕۆکە بەرازیلییەکە لە گەشتێکی 90 خولەکیدا بووە لە ماناوس بۆ بارسیلۆس، سەرنشینەکانی سەرجەمیان گەشتیاریی بەرازیلی بوون و ویستوویانە بەمەبەستی گەشتیاریی روو لە ناوچەکە بکەن.
بەپێی میدیاکانی بەرازیل فڕۆکەکە 12 سەرنشین و دوو تیمی فڕۆکەوانی تێدابووە و سەرجەمیان گیانیان لەدەستداوە و هیچ کەسێکیان رزگاریان نەبووە.
تا ئێستا هۆکاری کەوتنەخوارەوەی فڕۆکە بەرازیلییەکە ئاشکرانەکراوە.
