وتەبێژی کۆنگرەی یەکێتیی نیشتمانیی کوردستان ئاشکرایکرد، لە هەفتەی داهاتوودا کۆنفرانسەکان لە مەکتەب و مەڵبەندەکانی یەکێتیدا دەستپێدەکات، بەمەبەستی دیارکردنی ئەندامەکان و لە وادەی خۆیدا کۆنگرەی حزبەکە ئەنجام دەدرێت.
لە راگەیەندراوێکدا تەلار لەتیف وتەبێژی کۆنگرەی پێنجەمی یەکێتیی نیشتمانیی کوردستان ئاشکرایکرد، سەرجەم هەڵبژاردنەکان لە ئۆرگانەکانی یەکێتیدا لە یەک رۆژدا تەواو دەکرێت و لە رۆژی 27ی ئەیلولی 2023 بە دروشمی “نوێگەری لە کاردا و کۆدەنگی لە بڕیاردا” کۆنگرەی پێنجەمی یەکێتی دەستپێدەکات.
دەقی راگەیەندراوەکەی وتەبێکی کۆنگرەی پێنجەمی یەکێتیی نیشتمانیی کوردستان:
– ھەفتەی داھاتوو کۆنفرانسەکان دەستپێدەکات لەسەرجەم مەکتەب و مەڵبەندەکانی یەکێتیی بۆ دیاری کردنی ئەندامانی کۆنگرەی پێنج .
– ھەڵبژاردنەکان لەیەک رۆژدا دەکرێت لەسەرجەم ئۆرگانەکانی یەکێتیی نیشتیمانیی کوردستان
– رۆژی ٢٧ -٩-٢٠٢٣ لەژێر دروشمی نوێگەری لەکاردا و کۆدەنگی لەبریاردا دەست دەکەین بەپێنجەمین کۆنگرەی یەکێتیی نیشتیمانیی کوردستان .
– ھەر لەئێستاوە پیرۆزبایی لەسەرجەم یەکێتییەکان دەکەین کە کۆنگرەیەکی سەرکەوتوو دەبێت .
– ئامانجی کۆنگرەی پێنجی یەکێتیی لەدروشمەکەیەوە دیارە کە نوێگەری لەکار و کۆدەنگی لەبریارە.
– بەیەک دەنگ و یەک بریار کاردەکەین
– نوێگەری لەکاری داھاتومانە
– کارکردن دەبیت بەیەک دەنگ و رەنگ بۆ ھەموو پرسەکانی داھاتوی یەکێتیی .
-ئەمرۆ رێنمایەکانی ئەنجامدانی کۆنفرانس بۆ سەرجەم ئۆرگانەکانی یەکێتیی دەنێرین
– بریاری ئەنجامدانی کۆنگرە لەشاری کەرکوک درا ، لەشاری سلێمانیش کۆنگرەکە بەرێوەدەچێت.
-دەزگای ھەڵبژاردنی یەکێتیی و لایەنە پەیوەندیدارەکان راسپێردراون بۆ بەرێوەبردنی کۆنفرانسەکە لەھەموو ئۆرگانەکانی یەکێتیی.
