لە چوارچێوەی ڕوبەڕوبوونەوەکانی هەفتەی 15ی خولی نایابی ئینگلیزی، یانەی لیستەر سیتی بەرانبەر مانچستەر یونایتد یەکسانبوونی تۆمارکرد.
ئەمڕۆ، شەممە لە واڵکەرز ستادیەم یانەی لیستەر سیتی میوانداری یانەی مانچستەر یونایتدی کرد، یاریی نێوانیان بە یەکسانبوون (2-2) کۆتاییهات.
گۆڵەکانی لیستەر لە خولەکەکانی 31 و 85 لەلایەن هارڤی بارنێس و جەیمی ڤاردی، گۆڵەکانی ڕێد دێڤلێزش لە خولەکەکانی 23 و 79 لەلایەنم مارکۆس ڕاشفۆرد و برونۆ فێرناندێزەوە تۆمارکران.
بەپێی ئەنجامە تۆمارکراوەکە، یانەی لیستەر سیتی ژمارەی خاڵەکانی بۆ 28 بەرزکردەوە و لە پلەی دووەمی ڕیزبەندی یانەکانی خولی نایابی ئینگلیزی جێگیربوو، یانەی مانچستەر یونایتدیش بە 27 خاڵەوە لە پلەی سێیەمدا وەک خۆی مایەوە.
لە کاتێکدا خولەکانی ئەوروپا بەهۆی جەژنەکانی سەریساڵەوە لە حەوانەوەدان، خولی نایابی ئینگلیزی “پریمەرلیگ” لە ڕۆژانی “بۆکسین دەی” بەردەوامە و بڕیارە ئەمشەو پێنج ڕوبەڕوبوونەوەی دیکە ئەنجامبدرێت.
