لۆكا مۆدریچ و كەریم بنزیمە پەیوەندیان بە مەشق و راهێنانەكانی ڕیاڵ مەدرید كردەوە و پێنج یاریزانیش بەهۆی پێكانەوە لە ژێر چاودێری پزیشكیدان.
ئامادەكارییەكانی ڕیاڵ مەدرید بۆ یارییەكەی شاختار لە خولی یانە پاڵەوانەكانی ئەوروپا دەستی پێكرد و لە راهێنانەكانیشدا هەردوو یاریزان مۆدریچ و كەریم بنزیمە گەڕاونەتەوە.
هەریەك لە گاریس بەیل و سیبایۆس و ئیسكۆ و یۆڤیچ لەژێر چاودێری پزیشكیدا راهێنانیان كردووە و هیچیشیان بۆ یاریی كردن ئامادە نین.
رۆدریگۆ-ش لەدواین یاریی ڕیاڵ بەرامبەر ئیلچی توشی پێكان هات و لە ئێستادا لە قۆناغی سەرەتای چارەسەرەی پێكانەكەیدایە.
ریاڵ مەدرید بە شەش خاڵ پێشەنگی ریزبەندی كۆمەڵەی چوارەمی گرتووە و شاختاریش بە سێ یاریی تەنها یەك خاڵی كۆكردۆتەوە.
