ئەندامێكی ئەنجومەنی نوێنەرانی عێراق رایدەگەیەنێت، بەغداد سوورە لەسەر وەرگرتنەوەی داهاتی نانەوتی هەرێم بە رێژەی 100% و گەڕاندنەوەی بۆ گەنجینەی عێراق و دەشڵێت، پابەندنەبوونی هەرێم دواكەوتنی مووچە و شایستەی دارایی هەرێمی كوردستانی لێدەكەوێتەوە.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەغداد سوورە لەسەر وەرگرتنەوەی داهاتی نانەوتی هەرێم بە ڕێژەی لە 100% و گەڕاندنەوەی بۆ گەنجینەی عێراق و دواتر بەسەر پارێزگاكاندا دابەشبكرێنەوە.
راشیگەیاند، هەرێمی كوردستان ئامادەنییە 100%ی ئەم داهاتە رادەستبكات و هیچ بوارێك بۆ ڕادەستنەكردنی داهاتی نانەوتی هەرێم نەماوەتەوە و دواكەوتنی مووچە و شایستە داراییەكانی هەرێمی كوردستانی لێدەكەوێتەوە.
