بافڵ جەلال تاڵەبانی، سەرۆكی یەكێتیی نیشتمانیی كوردستان لە سلێمانی چاویكەوت بە شێخ نەهرۆ شێخ محەمەد كەسنەزانی، سەرۆكی تەریقەتی عەلییەی قادری كەسنەزانی لە جیهان.
لە دیدارێكدا قووڵكردنەوەی گیانی تەبایی و پێكەوەژیانی ئاشتییانەی نێوان نەتەوە و پێكهاتەكان گفتوگۆی لەبارەوەكرا و جەخت لە پاراستنی فرەڕەنگی و كەلتووری یەكترقبووڵكردن كرایەوە وەك یەكێك لە تایبەتمەندییە مێژووییەكانی كۆمەڵگەكەمان.
سەرۆك بافڵ جەلال تاڵەبانی ئاماژەی بە رۆڵ و پێگەی شێخانی تەریقەت كرد لە مێژووی كوردستان و هەوڵەكانیان لەپێناو چاكەی گشتی و گەشەپێدانی بیری میانڕەوی لە كۆمەڵگەدا.
وتیشی، “دەبێت هەموومان بە رۆحێكی كوردانە و مرۆڤدۆستانەوە كار بۆ گەشەپێدان و پتەوتركردنی گیانی پێكەوەژیان و قبووڵكردنی جیاوازییەكان بكەین، ئەمەش خاسیەتێكی لەمێژینەی كۆمەڵگەكەمانە و شانازی پێوەدەكەین”.
