لەگەڵ ئەوەی ماوەی زیاتر لە ساڵێک بوو حاڵەتەکانی تووشبوون بە ڤایرۆسی کۆرۆنا لە جیهاندا بەرەو کەمبوونەوە چووبوو و رێکخراوی تەندروستیی جیهانیش کۆتاییهاتنی راگەیاندبوو، لە ئێستادا شەپۆلێکی نوێی لە ئەوروپا بڵاوبووەوەتەوە.
رێکخراوی تەندروستیی جیهانیی بڵاویکردەوە، “لە ماوەی یەک مانگدا لە 10ی تەمموز تا 6 ی ئاب، رێژەی تووشبووان بە ڤایرۆسی کۆرۆنا 80% بەرزبووەتەوە و لەو ماوەیەدا زیاتر لە نیوملیۆن حاڵەت تۆمارکراوە.
حاڵەتە نوێیەکانی تووشبوون بە ڤایرۆسەکە لە فەرەنسا و ئەمریکا و بەریتانیا و هندستان وژاپۆن تۆمارکراون.
بەپێی داتاکانی بەشی فریاکەوتنی نەخۆشخانەکانی فەرەنسا لە نێوان 31 ی تەمموز تا 6 ی ئاب حاڵەتەکانی تووشبوون بە هەفتەیەک پێشتر 31% بەرزبووەتەوە و 920 حاڵەت تۆمارکراون.
ئاژانسی تەندروستیی گشتیی ئاشکرایدەکات، تا ئێستا ژمارەکان لە ئاستی ئاساییدان، ساڵی رابردوو لە هەمان کاتدا هەفتاتە چوار هەزار حاڵەت تۆمارکرابوون.
