وەزارەتی تەندروستیی هەرێم ڕایگەیاند، لەماوەی 24 کاتژمێری ڕابردوودا پێنج هەزار و 663 پشکنین لە شارەکانی هەرێم ئەنجامدراوە و لەو ژمارەیەش 571کەسی دیکە توشی ڤایرۆسی کۆرۆنا بوون.
بەپێی ڕاگەیەنراوی وەزارەتی تەندروستیی هەرێم ئەمڕۆ 15 ی تشرینی دووەم، زۆرترین توشبوون لە هەولێر بووە بە 231 توشبوو، لە شاری سلێمانیش 161کەس توشی کۆرۆنا بوون و لە دهۆکیش 121کەس و لە گەرمیان 46 کەس و لە هەڵەبجە 9 کەس و لە ڕاپەڕین 3 کەس.
لە ماوەی 24 کاتژمێری ڕابردوودا 28 کەس لە هەرێمی کوردستان بە ڤایرۆسی کۆرۆنا مردوون و شەش کەسیان لە سلێمانی بوون و هەشت کەس لە دهۆک و پێنج کەس لە هەولێر و هەشت کەس لە ڕاپەڕین و یەک کەس لە هەڵەبجە.
تۆمارکردنی حاڵەتەکانی ڤایرۆسی کۆرۆنا لە هەرێم نزیک دەبێتەوە لە 90هەزار حاڵەت و لەو ژمارەیەش نزیکەی سێ هەزار کەس بەهۆکاری ڤایرۆسەکە مردوون.
