بەڕێوەبەرایەتیی گشتیی كەشناسی و بومەلەرزەزانیی هەرێم پێشبینییەكانی خۆی بۆ ئەمڕۆ و سبەی بڵاودەكاتەوە و بەپێی پێشبینییەكان، پلەكانی گەرما دادەبەزن و ئەگەری بەرزبوونەوەی تۆزێكی سووك هەیە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە ئەمڕۆ هەینی ئاسمان ساماڵ دەبێت لەگەڵ بوونی پەڵە هەوری جیاجیا و ئەگەری بەرزبوونەوەی تۆزێكی سووك هەیە و پلەكانی گەرما نزیكدەبنەوە بە بەراورد بە تۆماركراوەكانی دوێنێ.
هەر لە راگەیەندراوەكەدا هاتووە، سبەی شەممە ئاسمان ساماڵ دەبێت لەگەڵ بوونی تۆزێكی سووك و كەمێك پەڵەهەور لە هەندێك كاتدا و پلەكانی گەرما بە گشتی كەمێك نزمدەبنەوە بە ڕێژەی ( 1- 2) پلە بە بەراورد بە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی:-
هەولێر : 46 پلەی سیلیزی
سلێمانی : 44 پلەی سیلیزی
دهۆك : 45 پلەی سیلیزی
كەركوك : 48 پلەی سیلیزی
هەڵەبجە : 46 پلەی سیلیزی
زاخۆ : 46 پلەی سیلیزی
حاجی ئۆمەران : 34 پلەی سیلیزی
گەرمیان : 49 پلەی سیلیزی
