ئەندامێكی ئەنجومەنی نوێنەران رایدەگەیەنێت، وەزیری دارایی عێراق بەڵێنیداوە بۆ لەمەوبەدوا شایستەی دارایی هەرێم و مووچەی فەرمانبەرانی هەرێم لەكاتی خۆیدا رەوانەدەكرێت، هاوكات هۆكاری دواكەوتنی ناردنی مووچەی مانگی رابردوو لەلایەن بەغدادەوە ئاشكرادەكات.
ئاماژەی بۆ ئەوەش كرد، رۆژی پێنجشەممەی رابردوو ئەو پرسیارەم ئاراستەی تەیف سامی وەزیری دارایی عێراق كرد كە بۆچی مووچەی فەرمانبەرانی هەرێمی رەوانە نەكردووە و رایگەیاندووە، هێشتا تەمویلی تەواو نەكراوین و لەسەر بنەمای یەك لەسەر 12ی یاسای بودجەی ساڵی 2021 پارە بۆ هەرێم نێردراوە.
ئەو پەرلەمانتارە دەشڵێت، “وەزیری دارایی عێراق ئاماژەی بۆ ئەوەش كردووە، ئێستا رۆژانە هەرێم 55 هەزار بەرمیل نەوت رادەستی بەغداد دەكات بەپێی یاسا ئەگەر نەوتی هەرێم هەناردە نەكرا دەبێت رادەستی حكومەتی عێراق بكرێت و پێویستی ناوخۆی عێراقی پێدابینبكرێت”.
