وتەبێژی یەكێتی: هەموو هەوڵێك بۆ چارەسەركردنی كێشەی مووچە دەخەینەگەڕ

وتەبێژی یەكێتی رایدەگەیەنێت، “هەموو هەوڵێك بۆ چارەسەركردنی كێشەی مووچە و دەستپێكردنەوەی پڕۆسەی خوێندن لە هەرێمی كوردستان دەخەینەگەڕ و دەشڵێت، “دەبێت نێوماڵی خۆمان رێكبخەینەوە و كۆبوونەوەمان لەگەڵ لایەنەكان بۆ پاراستنی قەوارەی هەرێمی كوردستانە”.

سەعدی ئەحمەد پیرە وتەبێژی یەكێتیی نیشتمانیی كوردستان لە كۆنگرەیەكی رۆژنامەوانیدا رایگەیاند، 7ی ئەم مانگە لەگەڵ پارتی كۆبوونەوەمان ئەنجامداوە و ئەمڕۆش لەگەڵ هەریەك لە بزوتنەوەی گۆڕان، یەكگرتووی ئیسلامی و كۆمەڵی دادگەری كۆبووینەوە و باسمان لە رێكخستنی نێو ماڵی كورد كردەوە و كۆبوونەوەكانیشمان بۆ پاراستنی قەوارەی هەرێمە و لە هەمانكاتدا دەبێت پەیوەندییە دیبلۆماسییەكان بۆ پاراستنی قەوارەی هەرێمی كوردستان بێت.

لەبارەی هەڵبژاردنەوە، وتەبێژی یەكێتیی نیشتمانیی كوردستان رایگەیاند، دەبێت هەڵبژاردن لە وادەی خۆیدا ئەنجامبدرێت و لە هەمانكاتدا یەكگوتار بین و نێو ماڵی خۆمان رێكبخەینەوە.

وتەبێژی یەكێتی جەختیكردەوە وتی، “هەموو هەوڵێكی خۆمان دەخەینەگەڕ بۆ چارەسەركردنی كێشەی مووچە و دەستپێكردنەوەی پڕۆسەی خوێندن لە هەرێمی كوردستان و پشتیوانی لە هەنگاوەكانی حكومەتی هەرێم دەكەین بۆ چارەسەركردنی كێشەی مووچەی مووچەخۆران لە هەرێمی كوردستان.

سەعدی پیرە باسی لەوەشكرد، دابەشكردنی مووچە راستەوخۆ لەلایەن بەغدادەوە قەوارەی هەرێم لاواز ناكات و گەورەترین مەترسی ناكۆكی ناوخۆیە و پێویستە مووچەخۆر كۆتایی مانگ مووچەكەی وەربگرێت.

بابەتی پێشتر

حەماس: قۆناغی دووەمی ئاڵوگۆڕكردنی بارمتەكان لەگەڵ ئیسرائیل دوادەخەین

بابەتی دواتر

سۆران عومەر: تائێستا چارەنووسی مووچەی سێ مانگی ئەمساڵی مووچەخۆرانی هەرێم نادیارە

بابەتی پەیوەندیدار
زیاتر ببینە

نرخی نەوت بەرزبووەوە

نرخی نەوت لە بازاڕەكانی جیهاندا بەرزبووەوە و نرخی یەك بەرمیل نەوتی برێنت بە 112 دۆلار مامەڵەی پێوەكرا. ئاژانسی…
Total
0
Share