شارەزایانی بواری تەندروستی هۆشداریی لە خواردنی بسکیوت و کێک و خواردنەوە گازییەکان دەدات و بەهۆکارێک بۆ زیاتربوونی ئەگەری تووشبوون بە بەردی گورچیلە هەژماری کردووە.
شارەزایانی بواری تەندروستی لە زانکۆی سیچوانی چین توێژینەوەیەکیان کردووە و ئاشکرایانکردووە، خواردنە دەستکردەکان بڕێکی زۆر شەکریان تێدایە، هەر بۆیە لە 10 کەس کەسێکیان بەهۆیەوە تووشی بەردی گورچیلە دەبن”.
توێژەران دەڵین، “خواردنی زیادەی شەکر بە رێژەی %39 ئەگەری تووشبوون بە بەردی گورچیلە زیاددەکات، ئەو کەسانەشی زیاد لە چارەکێکی خۆراکەکانیان شەکری تێدایە، رێژەکە بۆ %88 بەرزدەبێتەوە تێیاندا”.
جگە لە زۆرخواردنی شەکر، قەڵەوی و سکچوونی بەردەوام و وشکبوونەوە و نەخۆشی شەکرە بەشێکی دیکەن لە هۆکارەکان بۆ تووشبوون بە بەردی گورچیلە.
