پۆلیسی راپەڕین دەستگیركردنی كەسێك بە تۆمەتی دزی رادەگەیەنێت كە بە وتەی خۆی بە جلوبەرگی ژنانەوە ئەو كارەی كردووە.
بەڕێوەبەرایەتیی پۆلیسی راپەڕین رایگەیاند، لەسەر سکاڵای هاوڵاتییان بەوەی دزی لە دوكانەكانیان كراوە، هێزەکانیان دوای بەدەستهێنانی زانیاری و بە سوودوەرگرتن لە کامێرای چاودێری لەناو بازاڕی قەڵادزێ تۆمەتبارێکیان لە رەگەزی نێر دەستگیرکرد.
دوای لێکۆڵینەوە لەگەڵیدا تۆمەتبار دانیناوە بە تاوانەکەیدا و بە وتەی خۆی “بە جلی ژنانەنەوە دزی کردووە تا نەناسرێتەوە”، پۆلیسی راپەڕین وادەڵێت.
ئاشكراشیكرد، تۆمەتبار پێشینەی هەیە لە تاوانی دزیکردندا و، پێشتریش بە جلی ژنانەوە دزیکردووە، بە بڕیاری دادوەر و بە ماددەی 443 لە یاسایی سزادانی عێراقی راگیراوە.
