بە گوێرەی زانیارییەکانی پەیامنێری تۆڕی میدیایی ئێستا، بەهۆی رووداوی شەڕەتەقەکەی دوێنێی هەولێرەوە کە لەسەر کێشەی زەویوزار روویدا سێ کەس گیانیانلەدەستدا و چوار کەسی دیکە برینداربوون.
دوای بڵاوبوونەوەی دەنگۆی گیانلەدەستدانی یەکێک لە بریندارەکان لە نەخۆشخانە، پەیامنێرمان پەیوەندی بە فریاکەوتنی خێرای هەولێرەوە کرد و پێیان راگەیاند، ئەو کەسەی دەنگۆی گیانلەدەستدانی بڵاوبووەتەوە، لە ژیاندایە و لە ژێر چاودێریدایە و ئەو هەواڵە دوورە لە راستییەوە.
رووداوەکە، ئێوارەی دوێنێ لە گەڕەکی هەولێری نوێ روویدا، رووبەڕووبوونەوەی چەکداری بوو و دەنگی تەقەیەکی زۆر لە گەڕەکەکە بیسترا و بەهۆیەوە سێ کەس گیانیانلەدەستدا و چواری دیکەش برینداربوون.
