دەست بە بەرهەمهێنانی فیلمێكی سینەمایی نوێ دەكرێت كە تیایدا هەریەك لە ماهیر حەسەن، ئەحمەد جۆڵا و رێشان حەمۆ بەشدارن.
فیلمی ‘خۆشەویستی لە سەردەمی کۆرۆنا’دا لە بەرهەمهێنانی سۆپرۆدەکشن و، نواندنی چەند ئەکتەرێکی دیاری وەک (ماهیر حەسەن، ئەحمەد جۆڵا، رێشان حەمۆ، سروشت کامەران، سیروان جەمال، شوان کەریم و ژاڵە رەسوڵ)ە کە رۆڵی سەرەکی تێدا دەگێڕن. هەروەها لە دەرهێنانی شوان عەتوف دەبێت و کاری سینەماتۆگرافی لەلایەن ئاوات شەریف دەبێت و وێنەگرتنی سبەی 1ی ئاب لە سلێمانی دەستپێدەكات.
فیلمەكە بە کامێرای ئەلێکسا 35ی کۆمپانیای Arri وێنە دەگیرێت، کە نوێترین ئامێری وێنەگرتنی سینەماییە و بۆ یەکەمجار لە عێراق و کوردستان بەکاردێت کە بە کوالیتی 4.6K وێنەدەگرێت.
