فیلمی سینەمایی (برادران لیلا- براكانی لەیلا) لەلایەن كاربەدەستانی كۆماری ئیسلامی ئێرانەوە بڕیاری ڕاگرتنی درا.
فیلمەكە كە لە ڕۆڵگێرانی پەیمان مەعادی، نەوید محەمەد زادە (ئەكتەری ناسراوی كورد) و تەرانە عەلیدۆستی-یە بەبیانووی ئەوەی بەبێ وەرگرتنی مۆڵەتی (پەخش کردن) چووەتە فێستیڤاڵی کان بڕیارەكەی لە دژ دەركراوە.
بەڕێوەبەرایەتیی گشتیی سەرپەرشتیکردنی بڵاوکردنەوە و نمایشکردنی فیلم لە ڕاگەیەندراوێكدا دەڵێت، فیلمەكە كە لە دەرهێنانی سەعید ڕۆستایی-یە سەرەڕای جەختکردنەوە و ئاگادارکردنەوەی پێویست بۆ پابەندبوون بە یاسا و هۆشداریكردنەوەیان لە دەرئەنجامی هەر سەرپێچییەک، بەداخەوە لە فێستیڤاڵی فیلمی کان بەبێ هیچ هاوکاری و چاکسازییەک نمایشکرا.
بەڕێوەبەرایەتییەكە بەهۆیەوە بڕیاریشیداوە فیلمەكە لە ناوخۆی ئێراندا نمایش نەكرێت.
