سەرۆکایەتیی زانکۆی سلێمانی خوێندکارانی زانکۆکە ئاگاداردەکاتەوە کە بچن دەرماڵەی مانگی 9ی ساڵی 2022 وەربگرن و رایگەیاندووە، لە ئەمڕۆوە دەتوانن دەرماڵەکانیان وەربگرن.
لە راگەیەندراوەکەدا هاتووە، “خوێندکارانی زانکۆی سلێمانی ئاگاداردەکەینەوە کە دەرماڵەی رۆژانی دەوامکردنی مانگی 9/2022 لە ئەمڕۆ و رۆژانی دوایی خەرج دەکرێت لە ھۆبەی ژمێریاریی کۆلێژەکان، بەو مەرجانەی کۆلێژەکان ئاگادارتان دەکەنەوە”.
راشیگەیاندووە، “لەبەر بەرژەوەندیی خوێندکارانی دەرەوەی شار و لەسەر داواکاریی خوێندکاران خۆیان کە بڕی دەرماڵەکە بەشی خەرجیی ھاتوچۆیان ناکات، کار ئاسانیان بۆ دەکرێت کە دەتوانن لەداھاتوودا لەگەڵ پێدانی دەرماڵەی مانگی 10/2022 ئەم دەرماڵە وەربگرن”.
ئاماژە بەوەدەکاتە کە دەرماڵەکە تەنها خوێندکارانی قۆناغەکانی 2، 3 و 4 دەگرێتەوە.
